वार्षिक खरिद योजना तयारी तथा स्वीकृती
सार्वजनिक खरिद ऐन २०६३ को दफा ले सार्वजनिक निकायले तोकिएको सीमाभन्दा बढी रकमको खरिद गर्दा तोकिए बमोजिम खरिदको गुरुयोजना र वार्षिक खरिद योजना तयार गर्नु पर्नेछ भन्ने व्यवस्था गरेको छ ।
यसका आधारमा सार्वजनिक खरिद नियमावली २०६४ को नियम ८ मा वार्षिक दश लाख रुपैया भन्दा बढी रकमको खरिद गर्नुपर्ने भएमा आगामी आर्थिक वर्षको अनुमानित वार्षिक कार्यक्रम तथा बजेट तयार गर्दा आगामि आर्थिक वर्षमा गर्ने वार्षिक खरिद योजना तयार गर्नुपर्नेछ । त्यसरी खरिद योजना तयार गर्दा नियम ७ बमोजिम खरिदको गुरुयोजना समेत तयार भएको रहेछ भने त्यस्तो गुरुयोजना समेत आधार लिनुपर्नेछ भन्ने व्यवस्था रहेको छ ।
यसरी तयार भएको वार्षिक खरिद योजनाको एक एक प्रति आगामी आर्थिक वर्षको अनुमानित वार्षिक कार्यक्रम तथा बजेट साथ संलग्न गरी तालुक कार्यालय र अर्थ मन्त्रालयमा पठाउनु पर्छ ।
सार्वजनिक निकायको प्रमुखले चालु आर्थिक वर्षको स्वीकृत वार्षिक कार्यक्रम तथा बजेट प्राप्त भएपछि सो अनुरुप यो नियम बमोजिम तयार भएको वार्षिक खरिद योजना परिमार्जन गरि स्वीकृत गर्नु पर्नेछ र त्यस्तो योजनाको एक एक प्रति तालुक कार्यालय, कोष तथा लेखा नियन्त्रक कार्यालय र सार्वजनिक खरिद अनुगमन कार्यालयमा पठाउनु पर्नेछ ।
यसको मुल सार निम्न बमोजिम छन ।
तयारी र सीमा
- खरिद सीमा: वार्षिक रु. १० लाखभन्दा बढी रकमको खरिद गर्दा वार्षिक खरिद योजना अनिवार्य।
- समय: आगामी आर्थिक वर्षको अनुमानित बजेट तयार गर्दा नै योजना तयार गर्नुपर्ने।
- आधार: खरिदको गुरु योजना बनेको भए सोही गुरु योजनालाई मुख्य आधार मान्नुपर्ने।
- स्वीकृत : कार्यालय प्रमुखबाट बजेट तथा कार्यक्रम स्वीकृत भएपछी स्वीकृत गर्नुपर्ने।
- जानकारी : तालुक कार्यालय कोष तथा लेखा नियन्त्रक कार्यालय र सार्वजनिक खरिद अनुगमन कार्यालयलाई ।
वार्षिक खरिद योजनाको Excel Template डाउनलोड गर्नुहोस ।